பினாங்கு மாநில ஐபிஎப் ஏற்பாட்டில் பொங்கல் விழா

தமிழர் பண்பாட்டைக் காக்கும் ஐபிஎப் – குமரேசன் பாராட்டு

(சத்யா பிரான்சிஸ்)

நிபோங் தெபால், பிப்ரவரி 9:

தமிழர்கள் கொண்டாடும் மிகப்பெரிய திருநாள்களில் ஒன்றாக பொங்கல் விழா அமைந்துள்ளது. தமிழர் பண்பாட்டை பாதுகாத்து வளர்த்தல் என்பதில் ஐபிஎப் கட்சி முக்கிய பங்காற்றி வருகிறது என பத்து உபான் சட்டமன்ற உறுப்பினர் குமரேசன் கூறினார். பொங்கல் விழாவின் ஏற்பாட்டுக் குழுவினரை அவர் பாராட்டினார்.

“பினாங்கு மாநில ஐபிஎப் தலைவர் குமரேசனோடு இணைந்து இன்று தமிழர் திருநாள் பொங்கல் விழாவில் கலந்து கொள்வது எனக்கு பெரும் மகிழ்ச்சியை அளிக்கிறது. நான் ஏற்பாடு செய்யும் அனைத்து நிகழ்ச்சிகளுக்கும் ஐபிஎப் கட்சி தொடர்ந்து ஆதரவு அளித்து வருகிறது. தமிழர் நலனில் அக்கறை கொண்டுள்ள கட்சியுடன் இணைந்து செயல்படுவதில் பெருமை கொள்கிறேன்,” என அவர் விழா நிறைவில் தெரிவித்தார்.

ஐபிஎப் மகளிர் பிரிவு ஏற்பாடு செய்த விழா

நேற்று, நிபோங் தெபால் ஐபிஎப் மகளிர் தொகுதியும், பினாங்கு மாநில ஐபிஎப் மகளிர் பிரிவும் இணைந்து தமிழர் திருநாள் பொங்கல் விழாவை சிறப்பாக ஏற்பாடு செய்திருந்தனர்.

• விழா மதியம் 3 மணி முதல் மாலை 7 மணி வரை K.T.R. மண்டபத்தில் நடைபெற்றது.
• டான்ஸ்ரீ பண்டிதன் ஐபிஎப் கட்சியின் தேசியத் தலைவராக இருந்த காலத்திலிருந்து தமிழர் திருநாள் பொங்கல் விழா சிறப்பாக கொண்டாடப்பட்டு வருகிறது.
• அவர் இந்த விழாவை நாடு முழுவதும் மகத்தான அளவில் கொண்டாடுவதற்கு முன்னோடியாக இருந்தார்.
• அவரைத் தொடர்ந்து வரும் தலைமைத்துவமும் இந்த விழாவை சிறப்பாக முன்னெடுத்து வருகிறது.

“இந்த வருடம் பொங்கல் விழாவை சிறப்பாக ஏற்பாடு செய்த ஐபிஎப் மகளிர் பிரிவினரை பாராட்டுகிறேன்,” என பினாங்கு மாநில ஐபிஎப் தலைவர் எஸ். குமரேசன் தெரிவித்தார்.

சிறப்பு விருந்தினர்கள் மற்றும் போட்டிகள்

விழாவில் முக்கிய விருந்தினர்களாக,

• கிராமப்புற தொழில்துறை மற்றும் வர்த்தக வளர்ச்சித்துறை ஆட்சி குழு உறுப்பினர் டத்தோ ஹாஜி ரஷிட் அவர்களின் சிறப்பு அதிகாரி,
• ஐபிஎப் கட்சியின் தேசிய துணை தலைவர் வேலாயுதம்,
• நிபோங் தெபால் தொகுதித் தலைவர் அ. அருள்மணி ஆகியோர் கலந்து கொண்டனர்.

விழா சிறப்பாக நடைபெற செயலாளர் பிரியலதா, சாந்தி, அழகேஸ்வரி, சரஸ்வதி, வசந்தி, பொன்னி ஆகியோர் தங்கள் முழுமையான ஒத்துழைப்பை வழங்கினர்.

விழாவில், பாரம்பரிய விளையாட்டுகள் மற்றும் போட்டிகள் நடத்தப்பட்டன:

• பொங்கல் வைத்தல்
• பூச்சரம் தொடுத்தல்
• கோலம் போடுதல்
• கூந்தல் பின்னுதல்
• அழகுராணி போட்டி
• வண்ணம் தீட்டுதல்

ஒவ்வொரு போட்டியிலும் 10 பேர் பங்கேற்றனர் என செயலாளர் பிரியலதா தெரிவித்தார்.

இவ்விழாவில் 200க்கும் அதிகமான ஐபிஎப் உறுப்பினர்களோடு பொதுமக்களும் இணைந்து கலந்து கொண்டு சிறப்பித்தனர்.

 28 total views,  1 views today